7.5.19

Sa RAI trasmitit "Mini cuccioli" in sardu

Pro sa cuntentesa de sos prus piticos, dae su 5 de maju sa RAI trasmitit sos cartones animados "Mini cuccioli" in limba sarda.
S'apuntamentu est onni domìniga mangianu a sas deghe mancu cuartu (h 9,45) in RAI 3 e cheret èssere, a pustis de sa bortadura de sa "Pimpa", un'agiudu in prus pro imparare su sardu a sos pitzinnos minores.
Sa bortadura in sardu l'at fata Manuela Ennas e sas boghes de sos protagonistas sunt de Raffaele Chessa (cane), Renzo Cugis (àrbore), Sergio Cugusi (cunillu), Daniele Monachella (rana), Elisa Pistis (anade) e Antonella Puddu (gatulinu).
Ispassiade·bos cun sas aventuras de custos animaleddos, pitzinnos dae sos 2 a sos 90 annos!