Custu blog, nàschidu in su 2016, est contivigiadu dae Gianfranca Piras e dae Maria Giovanna Serchisu, operadoras linguìsticas e tradutoras chi dae paritzos annos sunt traballende in sos Ufìtzios de sa Limba Sarda de totu sa Sardigna.
In tantos annos de traballu, collaborende cun mastros e genitores, est essida a campu sa netzessidade de tènnere unu logu in ue totu su materiale didàticu in limba sarda esseret postu a disponimentu de totus.
Amus pensadu, duncas, de creare custu blog e nch'amus postu siat su materiale didàticu aprontadu dae nois, siat cussu fatu dae àteros collegas e siat su chi amus agatadu in Rete, a manera chi chie cheret imparare su sardu a sos pitzinnos agatet totu in manera fàtzile (cosa chi finas a oe est mancada).
Bos auguramus de l'impreare cun salude e de nde tènnere profetu mannu.
Gianfranca e Maria Giovanna
